Блог статистикасы
195
Жазбалар
5035
Өтініштер
203580
Келушілер
Облыстық Басқармалар
(жергілікті бюджеттен қаржыландырылатын)
Областные управления и департаменты
(финансируемые из республиканского бюджета)

Новости региона

01-28-2020
«Асыл сөзді іздесең, Абайды оқы, ерінбе» мәнерлеп оқу байқауы өтті

2020 жылғы 24 қаңтар күні Тілдерді оқыту орталығының ұйымдастыруымен мектеп оқушылары арасында «Асыл сөзді іздесең, Абайды оқы, ерінбе» атты Абай шығармалары бойынша аудандық мәнерлеп оқу байқауы өтті. Байқау талабы бойынша 1-4 ,5-8 сынып оқушылары Абайдың оқу, білім,ғылым, табиғат лирикасы тақырыбында жазылған шығармаларын мәнерлеп оқу қажет.Ал 9-11 сынып оқушылары арасында Абайдың қара сөздерін жатқа айту болатын. Әділқазылар алқасы қатысушының сахналық шеберлігіне, дауыс ырғағына, көркем сөз бен өлеңді мәнерлі оқу шеберлігіне,тіл тазалығына көңіл бөлді.Байқаудың қорытындысы бойынша Бас жүлдені бастауыш буыннан жеңіп алған - Победа орта мектебінің 4-сынып оқушысы - Зарубина Кристина, орта буыннан- Смирнов орта мектебінің 6-сынып оқушысы -Шакаев Ибрагим және М.Сералин атындағы Қарабалық орта мектебінің 5-сынып оқушысы- Аубакирова Жансая; жоғарғы буыннан жүлдегер атанған -М.Сералин атындағы Қарабалық орта мектебінің 10-сынып оқушысы-Колисенова Зарина .

01-28-2020
Дербес деректер қорының электронды кілті

28 қаңтарда халықаралық дербес деректерді қорғау күні атап өтіледі. Датаға орай «Азаматтарға арналған үкімет» мемлекеттік корпорациясының төрайымы Әсемгүл Балташева ЭЦҚ кілтті дұрыс пайдалану және оны сақтау жолдары жөніндегі кеңестерімен бөлісті. Электронды цифрлық қолтаңба – азаматтарға egov.kz, elicense.kz, enis.kz, salyk.kz сияқты электронды үкімет порталдарын пайдалануға мүмкіндік беретін электронды кілт.Жеке немесе заңды тұлғалардың барлық дербес мәліметтеріне жол ашатын цифрлық қолтаңбаны пайдаланудың және сақтаудың өз ерекшеліктері бар. ЭЦҚ-ға тапсырысты pki.gov.kz сайтынан беріп, ХҚО-ға тек тұлғаны куәландыру үшін баруға болады. Алайда көпшілік электронды кілтті халыққа қызмет көрсету орталығынан алуды жөн көреді. 2019 жылы қазақстандықтар 7,8 млн электронды кілт рәсімдеген, бұл 2018 жылмен салыстырғанда 1,7 млн көп көрсеткіш. Алайда бұл, көп жағдайда, бір адамның ЭЦҚ-ға тапсырысты бір-ақ рет бергенін білдірмейді дейді Әсемгүл Балташева. «Азаматтар құжатқа электронды тапсырыс беретін кезде немесе декларация тапсырған сәтте ғана ЭЦҚ-ны пайдаланып, кейін оны қайда сақтағанын ұмытып, құпиясөзін естен шығарып жатады. Сөйтіп, ЭЦҚ кілтке қайта тапсырыс береді. Дербес деректер базасын қолжетімді ететін кілтті құнды дүниедей сақтап, мұқият болу керек. Біз ешқашан банк картасының пин-кодын ұмытпаймыз, ал ЭЦҚ-ның құпиясөзін есте сақтап жаттамаймыз. ЭЦҚ-ны пайдалану мәдениеті ең алдымен азаматтардың өзі үшін қажет», – дейді мемлекеттік корпорация төрайымы. Көп жағдайда, ЭЦҚ рәсімдеген сәтте, ХҚО мамандары бірдей құпиясөз бекітіп береді, алайда қолданушы оны жеке кабинетінде кейін өздігінен жаңарта алады. Бүгінде жеке куәлік чипына жазылатын ЭЦҚ 3 жылға жарамды, оны пайдалану үшін арнайы картридер қажет. Флеш-картаға жазылып берілетін кілттің жарамдылық мерзімі – 1 жыл. Цифрлық қолтаңбаның уақыты өтпей тұрып, оныонлайн түрде pki.gov.kz сайты арқылы жаңартуға болады. Мерзімнің аяқталатыны туралы смс-ескертпені алу үшін жеке кабинетте ұялы телефон нөмірі байланыстырылуы тиіс. «Телефон нөмірі мен ЭЦҚ-ны сәйкестендірген азаматтарға электронды түрде алынған қызметтер бойынша хабарламалар келіп тұрады. Ол смс-тер бөгде қызметтердің алынбауын бақылап отыруға да мүмкіндік береді»,– дейді Ә.Балташева. Қазақстандықтар өз атында қанша электронды кілттің барын egov mobile қосымшасынан көріп, керек жағдайда сол жерден оны қайтара шығаруға тапсырыс бере алады.

Жыл басынан бері 25 мың көп балалы отбасы жаңа жәрдемақы түрін рәсімдеді
01-24-2020

Қазақстанда көп балалы отбасыларға арналған жәрдемақының жаңа түрін жыл басынан бері 25,4 мың отбасы рәсімдеп үлгерді. Оның ішінде 11,8 мыңнан астам отбасы жәрдемақыны алғаш рет рәсімдесе, 13,7 мыңы қайта есептеуге құжат өткізгендер. «Көп балалы отбасылар халыққа қызмет көрсету орталығына жеке төлқұжаттарымен келіп тиісті жәрдемақыны рәсімдей алады.Осыған дейін жәрдемақы алған отбасылар жаңа жәрдемақы түрін алушылар тізімінде бар-жоғын 1411 call-орталығымен ҚР Еңбек және халықты әлеуметтік қорғау министрлігінің www.enbek.gov.kzсайты арқылы да тексере алады», – дейді «Азаматтарға арналған үкімет» мемлекеттік корпорациясының басқарма төрайымы Әсемгүл Балташева. Жалпы алғанда, 1 қаңтардағы жағдай бойынша 368,9 мың отбасыға мемлекеттік жәрдемақы тағайындалған, оның 246 мыңы – бұған дейін арнаулы мемлекеттік жәрдемақы алғандар. Аймақтық бөліністе жыл басынан бері жәрдемақының рәсімделуіне Түркістан облысынан көп өтініш қабылданған. Одан кейін Алматы облысы менШымкент қаласының тұрғындары. Естеріңізге салайық, 2020жылдан бастап отбасында бірге тұратын кәмелетке толмаған төрт және одан да көп балалары, оның ішінде кәмелет жасына толғаннан кейін білім беру ұйымдарын тәмамдағанға дейін (23 жасқа дейін) орта, техникалық және кәсіптік, орта білімнен кейінгі, жоғары және жоғары оқу орнынан кейінгі білім беру ұйымдарында оқитын балалары бар отбасына ай сайын тағайындалатын мемлекеттік жәрдемақы көлемі: 4 баласы барларға – 42 496 тг, 5 балаға – 53 127 тг, 6 балаға – 63 757 тг, 7 және одан көп балаға – 74 388 тг.

«KҮЛТЕГІН» ТҮРКІ ЖАЗБА ЕСКЕРТКІШІНЕ АРНАЛҒАН НОМИНАЛДЫҚ ҚҰНЫ 1000 ТЕҢГЕЛІК...
01-24-2020

«Kүлтегін» түркі жазба ескерткішіне арналған номиналы 1000 теңгелік банкнот 2013 жылдың соңында 20 млн дана тиражбен айналысқа шықты. «Күлтегін» банкнотының қысқаша сипаты Бет жағы: басымдық берілген түстер – қоңыр және сары. Негізгі бейнелері – «Қазақ Елi» монументі (Нұр-Сұлтан қ.) және «Күлтегін» мүсінінің бөлігі, ұшып келе жатқан көгершіндер, Қазақстан Республикасының мемлекеттік рәміздері: ту мен елтаңба. Сырт жағы: басымдық берілген түс – қоңыр. Негізгі бейнелер – түрік жауынгерлерінің жартастағы бейнелері, түркі жазба ескерткіші. "Күлтегін" ескерткіш банкноты заңды төлем құралы болып табылады және айналыста болу мерзімі шектелмеген, бұл банкноттар айналыстан табиғи тозу шамасына қарай алынады. "Күлтегін" ескерткіш банкнотын Қазақстан Республикасының бүкіл аумағында төлемдердің барлық түрлері бойынша, сондай-ақ көрсетулі құны бойынша банк шотына есепке алу және аудару үшін қабылдауға, барлық банктер мен Ұлттық пошта операторы шектеместен ұсақтауға және айырбастауға міндетті. «Күлтегін» ескерткіш банкнотын қабылдаудан бас тартқан жағдайларда, кәсіпкерлік субъектілері мен коммерциялық емес ұйымдарға «Әкімшілік құқық бұзушылық туралы» Қазақстан Республикасы Кодексінің (бұдан әрі – ӘҚК) 206-бабында көзделген шаралар қолданылады. ӘҚК-ның 206-бабына сәйкес Қазақстан Республикасының аумағында айналыста жүрген, заңды төлем құралы болып табылатын ұлттық валюта банкноттары мен монеталарын көрсетулі құны бойынша қабылдаудан бас тарту –ескерту жасауға әкеп соғады. Әкiмшiлiк жаза қолданылғаннан кейiн бiр жыл iшiнде қайталап бас тарту – кәсіпкерлік субъектілеріне 5-тен 25 айлық есептік көрсеткішке (бұдан әрі - АЕК) дейінгі мөлшерде айыппұл салуға әкеп соғады. Екінші деңгейдегі банктер мен банк операцияларының жекелеген түрлерін жүзеге асыратын ұйымдардың банкноттарды қабылдаудан, айырбастаудан және ұсақтаудан бас тартуы 50 АЕК мөлшеріндегі айыппұлға әкеп соқтырады. Осы банкнотты қабылдаудан бас тартылған жағдайда, тиісті шаралар қабылдау үшін Ұлттық Банктің Қостанай филиалына тел. 990924,990925 өтініш жасау қажет. Бейнетіркелім жасауды не банкнотты қабылдаудан бас тартудың жазбаша негіздемесін талап етуді ұсынамыз. Қосымша ақпарат: Күлтегін (685-731жж.) – көптеген көшпенді ұлыстарды көк байрақтың астына біріктірген және ұлы көшпенді империяның дәстүрін жалғастыра білген Екінші Түрік Қағанатының саяси және әскери қайраткері. Күлтегінге эпитафия – VIII ғ. түркі руна жазба ескерткіші 1889 жылы Орхон өзенінің жағалауынан (Монғолия) табылған. Ескерткіште құнды тарихи мәліметтер бар және ол лингвистикалық материалдарға бай. «КҮЛТЕГІН» түркі жазба ескерткішіне арналған қазақстандық ескерткіш банкноты 2014 жылы Халықаралық банкнот қоғамдастығының (International Bank Note Society) нұсқасы бойынша 2013 жылғы озық банкнотқа айналды.

Заңды тұлғалар үшін ЭЦҚ алу
01-22-2020

ЭЦҚ (электрондық цифрлық қолтаңба) – бұл электрондық құжатқа қолы қойылған және мөрмен бекітілген қағаз жеткізгіштегі құжат сияқты заң күшін беру үшін пайдаланылатын өзі қойған қолының аналогы. ЭЦҚ алуға өтінімді ҚР ҰКО сайтының арнайы бөлімі арқылы онлайн режимінде беруге болады. Өтінімді қауіпсіздік мақсатында дербес компьютерден беру ұсынылады. Ең алдымен pki.gov.kz сайтындағы «Заңды тұлғалар үшін ЭЦҚ алу» бөліміне кіресіз. Одан кейін мәртебеңізді көрсете отырып қажетті ҚР ҰКО тіркеу куәліктерінің үлгісін таңдауыңыз қажет. (Ол мекеменің бірінші басшысы, қол қою құқығы бар жұмыскер немесе қаржылық құжаттарға қол қою құқығы бар қызметкер және т.б. болуы мүмкін). Онлайн-өтінімді бергеннен кейін сізге оны растау үшін ХҚО-ға бару қажет. Өзіңізбен бірге жеке куәлігіңіз, уәкілетті тұлғаның растайтын құжаттары мен басып шығарылған өтінім болуы қажет. Тексергеннен кейін оператор растауды жасайды және сіз ЭЦҚ өз компьютеріңізге жүктеп, оған өз пароліңізді орната аласыз. Міне, енді сіз электрондық үкімет порталымен жұмысты бастай аласыз. ЭЦҚ пайдалана отырып заңды тұлғалар келесідей артықшылықтарға қол жеткізбек: •Электрондық сауда-саттыққа қатысу; •Жеке қатысуынсыз банктік операцияларды орындау; •Жеке қатысуынсыз электронды есептерді тапсыру; •Компанияны қашықтықтан басқару және т.б. ЭЦҚ-ны түрлі ақпарат жеткізгіштерінде сақтауға болады, бірақ бұл ретте ол бөтен қолға түспеуін жауапкершілікпен қадағалау қажет. ЭЦҚ-ның қолданыс мерзімі 1 жыл, бірақ пайдаланушы оны электронды порталда мерзімі өтіп кетпей тұрып тағы бір жылға ұзарта алады.

Қарқындыөсім: көлікиелеріавтоХҚО орнына онлайн қызметтердітаңдайды
01-21-2020

Автокөлік құжаттарын электронды түрде рәсімдеген қазақстандықтар саны күрт өсті. Электронды үкімет порталы арқылы көлігін тіркеп, жүргізуші куәлігін ауыстырған жүргізушілер онлайн жүйенің тиімді әрі пайдалану жеңіл екенін айтады. «Азаматтарға арналған үкімет» мемлекеттік корпорациясының статистикалық деректеріне сәйкес, 2019 жылы онлайн әдіспен рәсімделген жүргізуші куәліктерінің саны бірден 8 есе, ал қайта тіркеугеқойылған автокөліктер саны 20 есе артқан. Мысалы, 2018 жылы жүргізуші куәлігін онлайн түрде 19 409 қазақстандық рәсімдесе, былтырғы жылы жүргізуші куәлігін электронды өтініш арқылы ауыстыруды қалағандар саны 153 мыңнан асты. Сондай-ақ онлайн түрде көлікті қайта тіркеуге қою қызметтерінің көрсеткіші де жоғары болған: 2019 жылы бұл қызмет 100 мың рет пайдаланылса, 2018 жылы бұл көрсеткіш тек 5 мыңды құраған. «Азаматтарға арналған үкімет» мемлекеттік корпорациясының басқарма төрайымы Әсемгүл Балташеваның айтуынша, бүгінде қазақстандықтардың дені ХҚО-ға бармай-ақ, қызметті өз бетінше алуды қалайды.«Қызметтерді онлайн алу – бүгінде өзіндік трендке айналды. Азаматтарымыздыңэлектронды түрде қарапайым анықтамаларды ғана алып қоймай, онлайн автокөлік қызметтеріне сұраныс білдіріп жатқаны қуантады. Олар цифрландырудың барлық артықшылығын лайықты бағалап, қызметтерді мамандандырылған ХҚО-дан гөрі электронды үкімет порталынан жиі ала бастады», – дейді басқарма төрайымы. Көлігін онлайн түрде тіркеген тұрғынның бірі – қарағандылық Қайырбек Қорабаев. Көлікті сатушы тарап Нұр-Сұлтан қаласында болғандықтан, көлікті электронды үкімет порталы арқылы рәсімдеу – жол мәселесін шешіп, автоХҚО кезегінде тұрмаудың таптырмас тәсіліне айналды.

Сіздің телефоныңызға ЭЦҚ-ңыздың әрекет ету мерзімі аяқталатыны туралы ескерту...
01-17-2020

Онда сізге келесі ақпарат өте пайдалы: SMS-хабарлама келген бойда Ұлттық куәландыру орталығының pki.gov.kz порталындағы өзіңіздің жеке кабинетіңізге кіріп, жарамдылық мерзімін тексеріңіз. Жеке кабинетке сіз интернет-ресурстың басты бетінен немесе SMS-те көрсетілген сілтеме бойынша ауыса аласыз. Ары қарай келесідей алгоритм бойынша әрекет етеміз: 1. Қолданыстағы ЭЦҚ-ңызға қатысты барлық деректерді толтырыңыз; 2. «Кілттер тізімін жаңарту» батырмасын басыңыз. ЭЦҚ құпиясөзін (паролін) дұрыс енгізген кезде аутентификация кілті бейнеленеді. Қол қойып, әрі қарай жұмысқа кірісеміз; 3. ЭЦҚ кілттерімен жұмыс жасау үшін «Менің ЭЦҚ кілттерім» бөліміне көшеміз. Ашылған мәзірден «ЭЦҚ кілттерін қайта шығару» тармағын таңдаймыз. 4. Электрондық қолтаңбаның қолданылу мерзімі әлі аяқталмаған жағдайда өтінімді онлайн беруге болады. 5. Бұдан әрі негізгі жолдарды толтырыңыз, «Өтінім беру» батырмасын басыңыз, растаңыз және оған қол қойыңыз; 6. Егер ЭЦҚ-ны сақтау үшін сіз компьютерді таңдасаңыз, өзіңіздің ЭЦҚ кілттеріңізге құпиясөз (пароль) ойлап табыңыз және енгізіңіз, одан кейін «Сертификаттарды жүктеу» батырмасын басыңыз. 7. Құпиясөзде төменгі және жоғарғы регистрдегі латын әріптері, сондай-ақ сандар болуы тиіс. Құпиясөздің ұзындығы кем дегенде 6 таңбалы болуы керек. 8. «Сертификаттарды жүктеу» батырмасын басқан соң тіркеу куәліктерін сәтті орнатқаныңыз туралы хабарлайтын терезе пайда болады. Құттықтаймыз! Айтпақшы, ЭЦҚ қолдану мерзімін ұзарту да, оны жаңадан рәсімдеу де тегін қызмет.

хат жіберу